Ommaviy Oferta (Foydalanish Shartlari)

Ushbu hujjat "O‘zbekiston Yetakchi Yoshlari Ensiklopediyasi" (keyingi o‘rinlarda Platforma deb yuritiladi) xizmatlaridan foydalanish bo‘yicha rasmiy taklif (ommaviy oferta) hisoblanadi. Ariza yuborish orqali siz quyidagi shartlarga to‘liq va so‘zsiz rozi ekanligingizni bildirasiz.

1. Umumiy qoidalar

1.1. Platformaga kiritilish bo‘yicha yuborilgan ariza xolis hakamlar hay’ati yoki adminlar tomonidan ko‘rib chiqiladi.
1.2. Arizachi tomonidan taqdim etilgan ma’lumotlarning (ism-sharif, biografiya, rasmlar, yutuqlar) to‘g‘riligi va haqqoniyligi uchun arizachining o‘zi to‘liq javobgar hisoblanadi.

2. To‘lov va Qaytarish shartlari

2.1. Agar ensiklopediyaga kiritish yoki maxsus jurnalda chop etish kabi pullik xizmatlar uchun to‘lov amalga oshirilsa, ushbu to‘lov xizmat ko‘rsatish xarajatlari, dizayn va tahrirlash ishlariga yo‘naltiriladi.
2.2. Muhim: Ariza qabul qilinib, to‘lov amalga oshirilgach, qanday sabab bo‘lishidan qat'i nazar berilgan pul qaytarilmaydi (non-refundable). Siz to‘lovni amalga oshirishdan oldin xizmat shartlarini to‘liq tushunganligingizni tasdiqlaysiz.

3. Ma’lumotlardan foydalanish

3.1. Arizachi o‘zining fotosurati, biografiyasi va boshqa kiritgan ma’lumotlari Platforma, uning ijtimoiy tarmoqlari va hamkor nashrlarida ochiq holda e’lon qilinishiga rozilik beradi.
3.2. Platforma ma’muriyati kiritilgan matnlarni ma’nosini o‘zgartirmagan holda imlo, uslubiy jihatdan tahrirlash huquqini o‘zida saqlab qoladi.

4. Javobgarlik

4.1. Platforma arizachining obro‘siga putur yetkazuvchi ma’lumotlar uchinchi shaxslar tomonidan ko‘chirilishi yoki noto‘g‘ri talqin qilinishi bo‘yicha javobgarlikni o‘z zimmasiga olmaydi.
4.2. Arizachi yolg‘on yoki o‘zlashtirilgan (plagiat) ma’lumot taqdim etgani aniqlansa, Platforma uni ogohlantirishsiz o‘chirib tashlash huquqiga ega.

Oxirgi tahrir: 2026-yil